Politika e privatësisë dhe e cookies
Kjo faqe shpjegon çfarë të dhënash përpunon Kodio Web Studio kur viziton këtë website, pse i përpunon dhe cilat janë të drejtat e tua.
1. Kush është përgjegjës për të dhënat
Kodio Web Studio, i drejtuar nga Rei Bardho (Shqipëri). Kontakt: kodiowebstudio@gmail.com ose WhatsApp +355 69 827 7335.
2. Çfarë të dhënash mbledhim
- Formulari i kontaktit. Emri, kompania (opsionale), email-i, telefoni dhe mesazhi që shkruan. Formulari nuk i ruan këto në server: ndërtohet një mesazh dhe hapet WhatsApp për ta dërguar ti vetë. Nga ai moment mesazhi trajtohet edhe nga WhatsApp (Meta) sipas politikave të tyre.
- Të dhëna teknike nga fontet. Faqja ngarkon fonte nga Google Fonts, prandaj adresa jote IP dhe shfletuesi mund t'i dërgohen Google-it.
- Ruajtja në shfletuesin tënd. Zgjedhja jote për cookies dhe, nëse e lejon, preferencat e gjuhës e temës.
Aktualisht faqja nuk përdor mjete statistikash dhe as cookies reklamash.
3. Pse i përpunojmë
- Për t'iu përgjigjur kërkesës ose ofertës që kërkon (marrëveshje paraprake / interes i ligjshëm).
- Për të mbajtur faqen të sigurt dhe funksionale (interes i ligjshëm).
- Për cookies jo të domosdoshme: vetëm me pëlqimin tënd, që mund ta tërheqësh kurdo.
4. Cookies që përdorim
| Kategoria | Qëllimi | Ruhet |
|---|---|---|
| Të domosdoshme | Ruajnë zgjedhjen tënde për cookies (kodio_consent). |
Deri në 12 muaj |
| Preferenca | Gjuha dhe tema e zgjedhur. | Deri në 12 muaj |
| Statistika | Nuk përdoren aktualisht. | — |
| Marketing | Nuk përdoren aktualisht. | — |
Zgjedhjen mund ta ndryshosh në çdo kohë: hap cilësimet e cookies. Mund t'i fshish cookies edhe nga cilësimet e shfletuesit.
5. Sa kohë i ruajmë të dhënat
Mesazhet dhe të dhënat e kontaktit i ruajmë vetëm sa të nevojitet për të trajtuar kërkesën dhe, nëse bëhemi bashkë në projekt, sa kërkon marrëdhënia e punës dhe ligji. Pastaj fshihen.
6. Me kë i ndajmë
Nuk i shesim të dhënat. Ato mund të kalojnë te ofruesit që e bëjnë shërbimin të mundur (WhatsApp/Meta, Google Fonts, hosting-u i faqes) dhe te autoritetet, kur e kërkon ligji.
7. Të drejtat e tua
Sipas ligjit shqiptar për mbrojtjen e të dhënave personale (Ligji nr. 9887/2008) dhe, për vizitorët nga BE-ja, sipas GDPR, ke të drejtë të kërkosh qasje, korrigjim, fshirje, kufizim ose kundërshtim të përpunimit, si dhe të tërheqësh pëlqimin. Na shkruaj te kontaktet më sipër. Ke të drejtë të ankohesh te Komisioneri për të Drejtën e Informimit dhe Mbrojtjen e të Dhënave Personale (IDP).
8. Ndryshime
Kur ndryshon kjo politikë, data më sipër përditësohet.
Cilësimet e cookies